ULYTAU үстел ойыны-тарих пәнінің мұғалімі, Canadian International School Astana оқу бөлімінің меңгерушісі Раушан Қанатқызы Әкімбекованың авторлық әзірлемесі.
Инновациялық білім беру ойынын құрудың мақсаты: қазақ халқының ғасырлар бойғы тарихын, сондай-ақ ежелгі заманнан бүгінгі күнге дейінгі ел тағдырын айқындаған негізгі тарихи оқиғалар мен ұлы тұлғаларды дәріптеу арқылы ұлттық сана мен тарихи мұраны құрметтеуді қалыптастыру.
ULYTAU ойыны мектеп оқушылары арасында өзін дәлелдеді. Балалар ойнаған кезде тарихи фактілерді жақсы есте сақтайтынын, ал орта мектеп оқушыларына ойын ҰБТ-ға дайындалуға көмектесетінін атап өтеді. Қазір ойында Қазақстан тарихы бойынша үш тілде 120 сұрақ бар. Ойын «The Ulytau Educational Foundation» Қайырымдылық қоры» Қоғамдық қорының тапсырмасы бойынша қазақ, орыс, ағылшын тілдерінде әзірленді.